मासिक राशिफल - वृश्चिक

वृश्चिक राशिलाई फागुन महिनाभरि घरायसी समस्याले पिराेल्न सक्छ। घरको जिम्मेवारी बढ्नाले सामाजिक कामबाट पछि हट्नुपर्ने स्थिति आउन सक्छ। समय छँदा आलस्य गर्ने प्रवृत्तिले भने धेरै अवसर गुम्न सक्छन्। समय दिन नसक्दा अध्ययनमा पछि परिनेछ। अरूको भावना र विचारलाई बेवास्ता गर्नाले परिवारमा असमझदारी देखा पर्नेछ। नोकरीमा अरूको दबाब झेल्नुपर्ने परिस्थिति रहनेछ। भूमिबाट लाभ मिले पनि घर–जग्गा वा स्थायी सम्पत्तिमा विवाद आउन सक्छ। आवेशमा गरिएका क्रियाकलापले सम्बन्ध कमजाेर बन्न सक्छ। महत्त्वाकांक्षाले समस्या निम्त्याउने हुँदा बुद्धि–विवेकले काम लिनुपर्ने समय छ। धैर्य, संयमित व्यवहार र लगनशीलताले अप्ठ्यारा काम पनि सम्पादन हुनेछन्। मेहनतले अवसर प्रदान गर्नेछ भने सावधानीले उपलब्धि जोगाउन सकिनेछ।