मासिक राशिफल - धनु

धनु राशिलाई माघ महिना केही संघर्षमय रहनेछ। स्वास्थ्यमा शिर तथा पेटको समस्याले सताउन सक्छ। काममा अवसर र चुनौती बराबर आउनेछन्। तर केही चुनौती देखिए पनि आशा गरिएको फल प्राप्त हुनेछ। पढाइ, लेखन, संगीत र कलामा रुचि बढ्नुका साथै प्रतिभाको उचित कदर हुनेछ। मिहिनेतले प्रतिद्वन्द्वीलाई पछि पार्न सकिनेछ। आँटले काम सम्पादन हुनेछ। व्यवसाय र उद्योगधन्दामा सामान्य फाइदा हुनेछ। केही धनमाल हराउने वा ठगीमा परिने सम्भावना देखिएकाले सजग रहनुहोला। आवश्यक पर्दा आफन्त र साथीभाइसँगको सहयोग भने नजुट्न सक्छ। घर–गृहस्थी, प्रेम सम्बन्ध आदिमा समय दिन नसकिएला। पेसा–व्यवसायमा लागत बढ्न सक्छ। अधिक कर्जा लिएर जोखिम निम्त्याउनु भन्दा उपलब्धि जोगाउने प्रयास गर्नुहोला।