साप्ताहिक राशिफल - Weekly Horoscope

विशेष अवसरले ठूलै काममा हिम्मत दिलाउनेछ। दिगो फाइदा हुने काम शुभारम्भ हुन सक्छ। पुरुषार्थ देखाएर दाम समाउने अवसर प्राप्त हुनेछ। तर, सोमवारदेखि पारिवारिक समस्याले सताउन सक्छ। साइनो गाँस्नेहरूबाट सजग रहनुपर्ला। शुभचिन्तकहरू टाढा हुनाले दु:ख पाइनेछ। बुधवारदेखि अध्ययनमा प्रगति हुनेछ। नयाँ कार्य थालनी गर्न सकिनेछ। व्यापार र उद्योगमा फाइदा हुनेछ। मिहिनेतले जीवनशैलीमा परिवर्तन ल्याउन सकिनेछ। सप्ताहान्तमा रमाइलाे यात्रा र विशेष भेटघाट हुने सम्भावना छ।

विशेष अवसरले ठूलै काममा हिम्मत दिलाउनेछ। दिगो फाइदा हुने काम शुभारम्भ हुन सक्छ। साेमवारदेखि पुरुषार्थी काम गर्ने अवसर प्राप्त हुनेछ। तर केही विवादास्पद जिम्मेवारी समेत वहन गर्नुपर्ने हुन सक्छ। पारिवारिक समस्यामा पनि अल्झनुपर्ला। अवसरवादीहरूबाट जाेगिएर काम गर्नुहाेला। शुभचिन्तकहरू टाढा हुनाले दु:ख पाइनेछ। अध्ययन र स्वास्थ्यको चिन्ताले सताउन सक्छ। केही काम रोकिए पनि व्यापार–व्यवसायमा फाइदा हुनेछ। मिहिनेतले जीवनशैलीमा परिवर्तन ल्याउन सकिनेछ।

प्रारम्भमा इच्छाशक्ति बढ्नाले महत्त्वाकांक्षी काम सुरु हुनेछ। आँटले काम लिँदा लक्ष्यमा पुगिनेछ। व्यक्तित्व निखार्ने अवसर जुट्नेछ। आइतवार, बुधवार र बिहीवारआँटेका काम सम्पादन हुनेछन्। बाँकी दिन भने परिस्थिति केही असहज बन्ने हुँदा सजग रहनुहोला। परिबन्धले समस्या निम्त्याउने हुँदा योजना गोप्य राखेर अघि बढ्नुहोला। आत्मसम्मानका लागि मौन रहनु बेस हुनेछ। भौतिक साधनकाे कमीले व्यवहारमा अप्ठ्याराे पर्न सक्छ। सप्ताहान्तमा चिताएको काम बन्नाले प्रशस्त फाइदा पनि हातलागी हुनेछ।

पहिलो दिन खर्च बढ्नाले अर्थअभाव हुन सक्छ। प्रयत्न गर्दा यात्राकाे प्रक्रिया अघि बढ्नेछ। सोमबारदेखि रमाइलाे भेटघाट र खानपानकाे अवसर प्राप्त हुनेछ। तर, आगन्तुकसँगको साक्षात्कारले समस्यामा परिने समय छ, सजग रहनुहाेला। बुधवारदेखि परिस्थिति अनुकूल बन्दै जानेछ। लगनशीलताले दाम, नाम र इनाम दिलाउन सक्छ। अभिव्यक्ति कला निखारिनेछ भने प्रतिष्ठित काम गर्ने अवसर प्राप्त हुनेछ। पुराना साथीभाइसँग भेटघाट गर्ने मौका जुट्नेछ। सप्ताहान्तमा भने आफ्नाले धोका दिनेछन्।

सुरुमा काम बन्नाले प्रशस्त फाइदा हुनेछ। राम्राे लाभांश उठ्नेछ भने पछिका लागि सञ्चय गर्न सकिनेछ। साेमवार र मंगलवार भने धेरै खर्च गर्नुपर्ने स्थिति आउला। केही अप्ठ्यारा परिस्थितिसँग सम्झौता गर्नुपर्दा मन खिन्न रहनेछ। आफन्तहरू टाढा हुनेछन्। तापनि मिहिनेतीहरूलाई विशेष अवसर प्राप्त भइरहनेछन्। बुधबारदेखि कीर्तिमानी काम सुरु हुनेछ।प्रतिष्ठित काम गर्ने मौका प्राप्त हुनेछ। सुखदुःखमा साथ दिनेहरू प्रशस्तै फेला पर्नेछन्। रोकिएको काम बन्नेछन्। धेरैलाई प्रभावित बनाउन सकिनेछ।

प्रतिष्ठित काम गर्दै समाजमा स्थापित हुने काम गर्न सकिनेछ। अरूलाई प्रभावित पारेर उपलब्धि हातपार्ने समय छ। तारिफयोग्य काम सम्पादन गर्दै लोकप्रियता हासिल गर्न सकिनेछ। आम्दानीका विभिन्न स्रोत जुट्नेछन्। पेसा र व्यापारमा मनग्गे लाभ हुनेछ। बुधवार र बिहीवार लाभांश अरूका लागि खर्चनुपर्ने हुन सक्छ। आकस्मिक खर्च बढ्नाले अर्थअभाव समेत देखापर्नेछ। बलजफ्ती गर्दा काम बिग्रनेछ। सप्ताहान्तमा स्थिति अनुकूल बन्नेछ। विवादास्पद काम गर्नुपरे पनि मिहिनेत गर्दा काम सम्पादन हुनेछन्।

व्यावहारिक कठिनाइ देखा परे पनि कर्मयोगले समाजमा स्थापित गराउन सक्छ। काम देखाएर उपलब्धि हातपार्ने समय छ। विशेष जिम्मेवारी अथवा नोकरी प्राप्त हुन सक्छ। विशिष्ट व्यक्तित्वसँग मित्रता बढ्नेछ। परिश्रमअनुसार राम्रै फल पाइनेछ। खर्च लागे पनि दिगो फाइदा हुने काम प्रारम्भ गर्ने अवसर छ। लगनशीलताले प्रसिद्धि पनि बढ्नेछ। मिहिनेतले दाम र इनाम दिलाउनेछ। मित्रता र प्रेमको बन्धन कसिनेछ। सप्ताहान्तमा फजुल खर्च बढ्नेछ। समयमा ध्यान नदिनाले मनको डरले सताउन सक्छ।

प्रारम्भमा अप्ठ्यारो परिस्थितिसँग सम्झौता गर्नुपर्ला। काम गर्दा समेत जस नपाइनाले मन खिन्न रहनेछ। परिबन्धले केही झमेला निम्त्याए पनि सोमबारदेखि हिम्मत गर्दा काम बन्न सक्छ। स्वास्थ्य कमजोर रहे पनि सफलताको सूत्र पत्ता लगाउन सकिनेछ। समस्या दर्साउँदा सहयोगीहरू जुट्नेछन् र काम अघि बढ्नेछ। समुदायको हक हितको संरक्षण हुने काम गर्न सकिनेछ। मन मिल्ने साथी भेटिनुका साथै प्रेमको बन्धन समेत कसिन सक्छ। सप्ताहान्तमा मिहिनेतले कीर्ति राख्ने अवसरसमेत प्रदान गर्नेछ।

सकारात्मक परिणामले उत्साह जगाउनेछ। रमाइलो यात्रा र विशेष भेटघाट हुनेछ। तर, रमाइलो परिस्थितिलाई वादविवादले खलबल्याउने देखिन्छ। सोमबारदेखि स्वास्थ्यका लागि खानपानमा सजग रहनुहोला। बलजफ्ती गर्ने बानीले काम बिग्रन सक्छ। अर्थ अभावले पनि सताउने देखिन्छ। संघर्षको यात्रा सुरु हुनेछ। अरूका लागि आफ्नो महत्त्वपूर्ण समय खर्चनुपर्ला। सप्ताहान्तमा टाढिएका साथीभाइ नजिकिनाले हर्ष बढ्नेछ। प्रतिस्पर्धीहरूले सम्झौताको ढोका खोल्नेछन्। मिहिनेतले लक्ष्यमा पुर्याउनेछ।

रोकिएका काम बन्नाले आम्दानी बढ्नेछ। मिहिनेतले अवसर दिलाउनेछ भने प्रतिद्वन्द्वीहरू पछि पर्नेछन्। खर्च लागे पनि दिगो फाइदा हुने काम प्रारम्भ हुनेछ। सरल जीवनशैलीले अरूलाई प्रभावित बनाउन सकिनेछ। नयाँ क्षेत्रमा हातहाल्न सकिनेछ। व्यावसायिक काममा राम्राे फाइदा हुनेछ। बुधवारदेखि रमाइलो परिस्थितिलाई वादविवादले खलबल्याउने देखिन्छ। काम बिग्रने भयले सताउनेछ। समस्या दर्साउँदा सहयाेगीले भने साथ दिनेछन्। अठ्याराे परिस्थतिले स्वतन्त्रतामा बाधा पुर्याउन सक्छ।

स्वास्थ्यमा केही समस्या देखिए पनि मिहिनेतको प्रतिफल प्राप्त हुनेछ। अध्ययनमा धेरै समय दिन नसकिए पनि सीप र कलामा निखारता आउनेछ। पहिलेदेखि रोकिएको काम सम्पादन हुनेछ। प्रतिस्पर्धीहरूले काममा चुनाैती भने निम्त्याउनेछन्। बुधवारदेखि व्यापारमा विशेष फाइदा हुनेछ। व्यवसायका लागि यात्रा गर्ने साइत पनि जुर्न सक्छ। मन मिल्ने साथीसँग रमाइलाे भेट हुन सक्छ। मित्रता र प्रेमको गाँठो कसिने समय छ। सप्ताहान्तमा स्वास्थ्य कमजोर रहला। अर्थ अभावले पनि समस्या निम्त्याउन सक्छ।

आफन्तहरू नजिकिए पनि परिस्थिति आफ्ना लागि अलि प्रतिकूल रहने देखिन्छ। काम बिग्रने भयले सताउन सक्छ। शुभचिन्तकहरूको सुझावलाई मनन गर्नुहोला। सोमबारदेखि स्थितिमा केही सुधार आउनेछ। अध्ययनमा ध्यान केन्द्रित हुनेछ भने मिहिनेतले उपलब्धि दिलाउन सक्छ। बुधबारदेखि रोकिएका काम बन्नेछन् र नयाँ काम प्रारम्भ गर्न सकिनेछ। आँट गर्दा ठूलै काम सम्पादन हुन सक्छ। सप्ताहान्तमा विभिन्न अवसर प्राप्त हुनेछन् र दैनिकीले उचाइको बाटो समाउनेछ। प्रेमको बन्धन कसिलो हुनेछ।