महानवमी

महानवमी

नेपालीहरु वडा चाड दशैको नवरात्रीको नवौं दिनलाई महानवमी भनिन्छ | यसदिन विशेष गरी नवदुर्गाको अर्को अवतार सिद्धिद्धात्रि देवीको र माता महालक्ष्मीको पूजा-आजा गरिन्छ भने कालरात्रीमा गुप्त पूजा गरी राखिएका हतियारहरु ज्यावलहरु अर्थात् आयुध र हिजोआज घरघरमा हुने औजार मेशिनहरु तथा सवारीसाधनहरु आदिलाई बलि दिई रगत छित्काई विश्वकर्माको पनि पूजा विहानै सम्पन्न गरिन्छ |

यसदिन धार्मिक कथनअनुरुप दुईवर्षदेखि दश वर्षसम्मका नवकन्याहरुको पनि पूजाआजा गरिन्छ | वैदिक ज्ञान अनुसार बलिको अर्थ त्याग गर्नु भन्ने हो | तसर्थ, महानवमीको शुभ दिन पारेर सबै मानिसहरुले आफ्नो मनमा भएका कूविचार, विकारहरु जस्तै काम.वासना, रीस, ,क्रोध, लोभ, मोह, ईर्ष्या, द्वेष, छल,कपट, इत्यादिलाई त्यागेको मानेमा प्रतिकको रुपमा बलि चढाइन्छ र नवदुर्गा भवानीबाट सद्बुद्धि,सुख,शान्ति समृद्धिको कामना गरिन्छ |

महानवमीको दिनमा पनि काठमाडौँ लगायातका अन्य ठूला साना शहरहरुमा दशैं बाजारको मेला लागेको हुन्छ भने विभिन्न ठाउँ-टोल शहरमा विभिन्न रोमान्चक कार्यक्रमहरुको आयोजन गरिएको हुन्छन् | मानिसहरु आ-आफ्नो घरमा आउने-जानेको क्रम जारी नै भइराखेको हुन्छ |