काँग्रेस विशेष महाधिवेशन: ८ बजेदेखि प्रतिनिधिको नाम दर्ता, १० बजेदेखि बन्दसत्र - corporatekhabar.com

काठमाडौँ । नेपाली कांग्रेसको दोस्रो विशेष महाधिवेशनको बन्दसत्र आज बिहान १० बजेदेखि सुरू हुने भएको छ । विशेष महाधिवेशन आयोजक समितिको सचिवालयले आज बिहान १० बजेदेखि बन्दसत्र शुरु हुने जानकारी दिएको छ । त्यसअघि बिहान ८ बजेदेखि विशेष महाधिवेशनमा सहभागी हुन आएका महाधिवेशन प्रतिनिधिको नाम दर्ता गरिने सचिवालयले जनाएको छ । यसबीच अहिलेसम्म पहिलो दिन २६६२ जना महाधिवेशन प्रतिनिधिले आफ्नो नाम दर्ता गराएका छन् । नेपाली काँग्रेसका कुल ४ हजार ७४३ जना महाधिवेशन प्रतिनिधि रहेकाछन् । बहुमत महाधिवेशन प्रतिनिधि विशेष महाधिवेशनमा सहभागी भएपछि नेपाली काँग्रेसको नेतृत्व परिवर्तन हुने संकेत देखिएको छ । The post काँग्रेस विशेष महाधिवेशन: ८ बजेदेखि प्रतिनिधिको नाम दर्ता, १० बजेदेखि बन्दसत्र appeared first on Corporate Khabar : Nepals First Corporate News Magazine and Portal.