एचएमडीले तीनओटा फोरजी–रहित फोनहरू अनावरण गर्यो - www.technologykhabar.com

एचएमडीले हालै तीनओटा सुपर बेसिक फोरजी फोनहरू अनावरण गरेको छ। उक्त नयाँ तीनओटा फोरजी–रहित फोनहरूको डिजाइन निश्चित रूपमा नयाँ भएपनि सुविधाहरू भने वास्तवमा थप घटाइएको उल्लेख गरिएको छ। सीईओ जीन–फ्रान्कोइस बारिलले लिंक्डइनमा कम्पनीले एचएमडी १००, १०१ र १०२ गरी तीन नयाँ मोडेलहरू प्रस्तुत गर्दैछ भनेर पोस्ट गरेको बताइएको छ। यी नयाँ फोनहरू सेप्टेम्बरमा घोषणा गरिएका एचएमडी १०२ फोरजी र एचएमडी १०१ फोरजी भन्दा फरक देखिन्छन्। तीनवटा मध्ये एचएमडी १०२ मा एमपी३ प्लेयर र एलईडी फ्ल्यास भएको क्यामरा समावेश गरिएको छ। एचएमडी १०१ मा भने क्यामरा समावेश नगरिएको र एचएमडी १०० मा एमपी३ प्लेयर उपलब्ध नभएको जस्तो देखिएको बताइएको छ (सम्भवतः, फोनहरुमा मूल रूपमा कुनै आन्तरिक स्टोरेज नभएको हुनाले कुनै माइक्रोएसडी स्लट पनि उपलब्ध छैन)। रोचक कुरा के छ भने, उक्त नयाँ तीनओटा फोनहरूमा कतै पनि “फोरजी” को बारेमा केही उल्लेख नगरिएको र वास्तवमा यही नै फोनहरूको एक प्रमुख विशेषता भएको बताइएको छ। यद्यपि धेरै देशहरूले भने आफ्नो २जी र ३जी नेटवर्कहरू बन्द गरिरहेका छन्। अर्को सीमित कारक यो हो कि यी मोडेलहरूमा (तिनीहरूको यूजर गाइडहरू अनुसार) माइक्रोयूएसबी पोर्टहरू उपलब्ध गराइएका छन्। ईयू जस्ता क्षेत्रहरूमा भने माइक्रोयूएसबी पोर्टहरूको लागि कानुनी मान्यता छैन र कानुनले पोर्टेबल इलेक्ट्रोनिक्सको लागि यूएसबी–सी अनिवार्य रुपमा समावेश गरिएको हुनुपर्ने नियम लागू गरेको छ। यद्यपि, एचएमडीसँग ईयू क्षेत्रहरूमा बिक्री गर्नको लागि धेरै समान फोरजी मोडेलहरू रहेका छन्। साथै तिनीहरूमा डुअल–सिम सुविधा पनि रहेका छन् भने तिनीहरूमा यूएसबी–सी पोर्टहरू पनि समावेश गरिएका छन्। यूजर गाइडहरू एचएमडी इण्डियामा उपलब्ध छन् र वास्तवमा एचएमडी १०१ र एचएमडी १०१ फोरजी (भारतका क्यारियरहरूले अझै पनि २जी नेटवर्कहरू चलाउँछन्) को लागि छुट्टाछुट्टै पृष्ठहरू उपलब्ध भएको जीएसएमएरिनाले रिपोर्ट गरेको छ। The post एचएमडीले तीनओटा फोरजी–रहित फोनहरू अनावरण गर्यो appeared first on Technology Khabar.