बैंक बन्ने चाहना राख्दै पेपल - www.technologykhabar.com

पेपलले अब अमेरिकामा बैंक बन्ने चाहना राखेको छ। कम्पनीले युटः वित्तीय संस्थान विभाग र संघीय निक्षेप बीमा निगमलाई पेपल बैंक स्थापना गर्न आवश्यक आवेदनहरू पेश गरेको छ। साथै पेपलको प्रस्ताव स्वीकृत भएको खण्डमा यो युटः मा आधारित चार्टर्ड औद्योगिक ऋण कम्पनी हुनेछ। पेपलले आफ्नो व्यवसायलाई बलियो बनाउने र दक्षता सुधार गर्ने बताउँदै उक्त कदमले कम्पनीलाई “अमेरिकाभरि साना व्यवसाय वृद्धि र आर्थिक अवसरहरूलाई राम्रोसँग समर्थन गर्न” सक्षम बनाउने दावी गरेको छ। साना व्यवसाय ऋण प्रदान गर्नुको बाहेक पेपल बैंकले ग्राहकहरूलाई ब्याज दिनेगरी बचत खाताहरू प्रदान गर्ने बताइएको छ। यसले “बैंकिङ सम्बन्धहरू मार्फत प्रक्रिया र मिलान गतिविधिहरूलाई पूरक बनाउन” अमेरिकामा कार्ड नेटवर्कहरूको सदस्य पनि बन्नेछ। २०१३ देखि पेपलले “विश्वभर ४ लाख २० हजारभन्दा बढी व्यावसायिक खाताहरूलाई ३० अर्ब अमेरिकी डलरभन्दा बढी ऋण र चालु पूँजी प्रदान गरेको” र यो प्रस्तावित बैंकले आफूलाई “अमेरिकामा साना व्यवसायहरूलाई अझ कुशलतापूर्वक व्यापार ऋण समाधानहरू प्रदान गर्न सघाउने र तेस्रो पक्षहरूमा निर्भरता घटाउने साथै पेपलको व्यवसायलाई बलियो बनाउने” बताएको छ। यदि अधिकारीहरूले पेपल बैंकको स्थापनालाई अनुमोदन गरेमा ग्राहक निक्षेपहरू एफडीआईसी बीमा कभरेजको लागि योग्य हुने जीएसएमएरिनाले रिपोर्ट गरेको छ। The post बैंक बन्ने चाहना राख्दै पेपल appeared first on Technology Khabar.