फोर्ड विद्युतीय सवारी साधन योजनाबाट पछि हट्यो र एफ१५० लाइटनिङको उत्पादन बन्द गर्यो; अर्बौं घाटा हुने अनुमान - www.technologykhabar.com

फोर्डले सोमबार विद्युतीय सवारी साधनको लागि आफ्नो योजना फिर्ता लिइरहेको बताएको छ। उक्त कदमले विषेश गरी हालको त्रैमासिकमा कम्पनीको नाफामा १९.५ बिलियन अमेरिकी डलरको “क्षति” को साथ असर देखिने बताइएको छ। यद्यपि, कम्पनीले भने वास्तवमा आफ्नो परम्परागत पेट्रोल–संचालित ट्रक र एसयूभीको बलियो बिक्रीको कारणले एकदम राम्रो त्रैमासिक हुनुपर्ने बताएको छ। कम्पनीले वर्षको लागि आफ्नो सञ्चालन नाफा लक्ष्य ७ बिलियन अमेरिकी डलरले बढाएको टेलिग्राफले रिपोर्ट गरेको छ। आफ्नो विद्युतीय सवारी योजना फिर्ता लिनुको अर्थ अब कम्पनीको प्रमुख विद्युतीय सवारी साधन, एफ१५० लाइटनिङको उत्पादन अनिश्चित कालका लागि निलम्बित हुनेछ। अर्को पुस्ताको एफ१५० मा ७००–माइल रेञ्ज र भारी भारहरूको लागि सुधारिएको टोइङ हुने फोर्डले बताएको छ। यो महिना आफ्नो मूल एफ१५० लाइटनिङ मोडेलको उत्पादन बन्द गरेको कम्पनीले सोमबार घोषणा गरेको छ। यद्यपि कम्पनीले नयाँ मोडेलको उत्पादन कहिले सुरु हुन्छ भन्ने बारे कुनै विवरण नदिएको टेलिग्राफले रिपोर्ट गरेको छ। The post फोर्ड विद्युतीय सवारी साधन योजनाबाट पछि हट्यो र एफ१५० लाइटनिङको उत्पादन बन्द गर्यो; अर्बौं घाटा हुने अनुमान appeared first on Technology Khabar.