चेल्सी लिग कपको सेमिफाइनलमा - www.hamrokhelkud.com

एजेन्सी – चेल्सीले कार्डिफ सिटीलाई ३-१ ले पराजित गर्दै लिग कपको सेमिफाइनलमा स्थान बनाएको छ। यो जितसँगै चेल्सी सेमिफाइनल पुग्ने पहिलो टोली बनेको हो। खेलको दोस्रो हाफमा मैदान प्रवेश गरेका आलेहान्द्रो गार्नाचो र पेद्रो नेटो चेल्सीका लागि निर्णायक बने। शनिबार एभर्टनविरुद्ध जितपछि प्रशिक्षक एन्जो मारेस्काले टोलीमा धेरै परिवर्तन गरेका कारण चेल्सीले सुरुवातमा लय समात्न सकेन। पहिलो हाफमा कार्डिफले राम्रो दबाब बनायो तर गोल गर्न सकेन। पेद्रो र गार्नाचो मैदान प्रवेश गरेपछि चेल्सीको खेल सुध्रियो। ५७औँ मिनेटमा गार्नाचोले गोल गर्दै चेल्सीलाई अग्रता दिलाए। त्यसपछि कार्डिफका डेविड टर्नबुलले ७५औँ मिनेटमा बराबरी गोल फर्काए। तर ८३औँ मिनेटमा पेद्रोले गोल गर्दै चेल्सीलाई फेरि अग्रता दिलाए। इन्जुरी समयमा गार्नाचोले दोस्रो गोल गरे पनि खेल ३-१ मै सकियो।The post चेल्सी लिग कपको सेमिफाइनलमा first appeared on हाम्रो खेलकुद.