एमाले महाधिवेशनमा उम्मेदवारी दर्ताका लागि फारम वितरण सुरू - corporatekhabar.com

काठमाडौं । नेकपा एमालेको ११ औं महाधिवेशनअन्तर्गत उम्मेदवारी दर्ताका लागि फारम वितरण सुरू भएको छ । सोमबार बिहान ११ बजेपछि उम्मेदवारको मनोनयन प्रयोजनका लागि फारम वितरण सुरू भएको हो। आज दिउँसो साढे १ बजेसम्म उम्मेदवारको दरखास्त फाराम दर्ता गर्ने कार्यक्रम छ । निर्वाचन कार्यतालिका अनुसार दिउँसो साढे २ बजे उम्मेदवारको प्रारम्भिक नामवली प्रकाशन हुनेछ। सो नामावलीमा दाबी विरोध गर्न दिउँसो ३ बजेसम्मको समय राखिएको छ ।उजुरी उपर छानबिन र निर्णय दिउँसो ३:१० बजेसम्म हुनेछ। उम्मेदवारले आफ्नो नाम फिर्ता लिन चाहे दिउँसो ३:१० बजेदेखि ५ बजेसम्मको समय दिइएको छ । महाधिवेशनअन्तर्गत मतदान पुस १ गते हुनेछ । एमालेको ११ औं महाधिवेशन मंसिर २९ सम्म हुने तय भएको थियो । The post एमाले महाधिवेशनमा उम्मेदवारी दर्ताका लागि फारम वितरण सुरू appeared first on corporatekhabar : Nepals first corporate news magazine and portal.