प्रतिनिधिसभा सदस्य निर्वाचनका लागि एमाले उदयपुरबाट १४ जना सिफारिस - nagariknews.nagariknetwork.com

आगामी फागुन २१ ग्ते हुन गईरहेको मध्यावधि निर्वाचनका लागि नेकपा (एमाले) उदयपुरले १४ जनाको नाम सिफारिस गरेको छ । प्रतिनिधिसभातर्फ २ निर्वाचन क्षेत्र रहेको उदयपुरका लागि पार्टीले क्षेत्र नं. १ बाट ६ र २ बाट ८ जनाको नाम सिफारिस गरेको हो । पार्टीको सोमबार सम्पन्न जिल्ला कमिटी बैठकले सो सिफारिस गरेको जनाएको छ । सिफारिसमा पर्ने नामहरुमा निर्वाचन क्षेत्र १ बाट पूर्व जिल्ला अध्यक्षद्वय इश्वरमणि राउत र प्रमेश्वर घिमिरे, पूर्व बेलका नगरप्रमुख दुर्गाकुमार थापा, धीरेन्द्र दाहाल, सीमा मास्के र अश्वीन कार्की रहेका छन् । पार्टीको जनसाँस्कृतिक महासङ्घ अध्यक्ष रहेकी मास्के महिला कोटामा र अनेरास्ववियुमा कार्यरत कार्की जेनजेडतर्फबाट उम्मेदवारमा सिफारिस भएको बताइएको छ । त्यसैगरि २ नं. बाट निवर्तमान साँसद अम्बर रायमाझी, डा. भेषराज थापा, देवराज राई, कृष्णबहादुर थापा, कटारी नगरपालिका पूर्व उपप्रमुख भिमकुमारी राउत, शैलेस लामा र कटारीका पूर्व मेयर ज्ञानेन्द्र श्रेष्ठको नाम सिफारिसमा परेको छ । राई पार्टी निकट लोकतान्त्रिक आदिबासी जनजाति महासङ्घका महासचिव हुन् भने लामा पार्टी प्रदेश कमिटीका पूर्व सचिव हुन् । पर्टी अध्यक्ष भागवत राउतका अनुसार उम्मेदवार बन्न आकांक्षीहरु सबैको नाम प्रदेश कसमटीमार्फत केन्द्रीय समितिमा सिफारिस गरिएको हो । समानुपातिकतर्फ भने पार्टीले यसअघि नै नामहरु सर्वसम्मत सिफारिस गरिसकेको छ ।