मनसुनजन्य विपद्मा परी मृत्यु हुनेको संख्या ६० पुग्यो - ukaalo.com
Source: uklo
काठमाडौँ– असोज १७ गते शुक्रबार रातिदेखिको वर्षापछि विपद्का कारण देशभर ६० जनाको निधन भएको सशस्त्र प्रहरी बलले जनाएको छ। निधन हुनेमा पुरुष १९, महिला २६ र नाबालक १५ रहेको सशस्त्र प्रहरी बलका सहप्रवक्ता प्रहरी नायब उपरीक्षक शैलेन्द्र थापाले जानकारी दिए। इलाममा मात्र पुरुष १३, महिला १४ र नाबालक १० गरी ३७ जनाको निधन भएको उनले बताए। यसैगरी पाँचथरमा पुरुष तीन, महिला चार र नाबालक एक गरी आठ जनाको निधन भएको छ। उदयपुरमा महिला दुई र नाबालक एक गरी तीन, खोटाङमा पुरुष दुई र सुनसरीमा एक जना पुरुषको निधन भएको छ। रौतहटमा एक महिला र दुई नाबालक गरी तीन जना, मोरङ, सिन्धुली र महोत्तरीमा एक/एक जना महिलाको निधन भएको छ। यस्तै, सिन्धुपाल्चोकमा एक नाबालकको ज्यान गएको छ भने काभ्रेपलान्चोक दुई महिलाको शव भेटिएको सशस्त्र प्रहरी बलले जनाएको छ।