घरै बसी-बसी कमाउन सकिने नाममा ठगी, साइबर प्रहरीको चेतावनी! - nagariknews.nagariknetwork.com

नेपाल प्रहरीले सामाजिक सञ्जाल फेसबुकमा स्पोन्सर्ड एडमार्फत ठगी बढेको बताएको छ। प्रहरीले विभिन्न चर्चित ई-कमर्स प्लेटफर्महरूको नाम प्रयोग गरी 'टाक्स' का नाममा बारम्बार रकम लगानी गर्न लगाई घरै बसी-बसी कमाउन सकिने झुठो आश्वासन दिलाएर ठगी गर्ने प्रवृत्ति बढेको जनाएको छ। साइबर ब्यूरो, भोटाहिटी काठमाडौँले यस्ता प्रलोभनमा नपर्न प्रयोगकर्ताहरूलाई आग्रह गरेको छ। ठगीमा मोडानी फर्निचर, यात्रा जस्ता नामहरू प्रयोग भएको पाइएको छ।