राष्ट्रिय पुरुष र महिला फुटसल टिमको प्रमुख र सहायक प्रशिक्षक नियुक्त - corporatekhabar.com

काठमाडौं । अखिल नेपाल फुटबल संघ (एन्फा) ले राष्ट्रिय पुरुष र महिला फुटसल टोलीका लागि प्रमुख र सहायक प्रशिक्षक नियुक्त गरेको छ । राष्ट्रिय महिला फुटसल टोलीको मुख्य प्रशिक्षकमा विक्रम महर्जनलाई नियुक्त गरिएको छ भने सहायक प्रशिक्षकमा नरेश श्रेष्ठलाई नियुक्त गरिएको छ । उनीहरूले जनवरी १३ देखि २६ सम्म थाइल्याण्डमा आयोजना हुने साफ महिला फुटसल च्याम्पियनसिप २०२६ मा टोलीको नेतृत्व गर्नेछन् । त्यस्तै, राष्ट्रिय पुरुष फुटसल टोलीको मुख्य प्रशिक्षकमा अनिल बहादुर गुरुङलाई नियुक्त गरिएको छ भने सहायक प्रशिक्षकमा सरोज कुमार थापा क्षेत्रीले काम गर्नेछन् । पुरुष फुटसल टोलीले जनवरी १३ देखि २६ सम्म थाइल्याण्डमा आयोजना हुने साफ फुटसल च्याम्पियनसिप २०२६ मा प्रतिस्पर्धा गर्दै छ । चारै जना प्रशिक्षकलाई एन्फा महासचिव किरण राईले नियुक्ति पत्र प्रदान गरेका छन् । The post राष्ट्रिय पुरुष र महिला फुटसल टिमको प्रमुख र सहायक प्रशिक्षक नियुक्त appeared first on corporatekhabar : Nepals first corporate news magazine and portal.