विशेष महाधिवेशन आह्वान भएसँगै नेपाली कांग्रेस फुट्ने सम्भावना कति - www.bbc.com

नेपाली कांग्रेसका महामन्त्रीद्वय गगन थापा र विश्वप्रकाश शर्माले आगामी पुस २७ र २८ गतेका लागि काठमाण्डूको भृकुटीमण्डपमा पार्टीको विशेष महाधिवेशन आह्वान गरेका छन्।पार्टी संस्थापनले भने यसलाई विधानविपरीत भन्दै सहभागी नहुन कार्यकर्ताहरूलाई अपील गरेको छ।कतिपयले यस विवादले पार्टी विभाजन हुन सक्ने आशङ्का गरे पनि दुवै पक्षका नेताहरूले पार्टी नफुट्ने दाबी गरेका छन्। कांग्रेसमा महाधिवेशनको नयाँ मिति तोकिँदा 'संस्थापन' र 'इतर' पक्षका आआफ्नै तर्कके कांग्रेस फुटको बाटोतर्फ अग्रसर भएको हो, यस्तो छ राजनीति र कानुनका जानकारको विश्लेषण महामन्त्रीद्वयको वक्तव्यमहामन्त्रीद्वयद्वारा जारी एक वक्तव्यमा ५४ प्रतिशत महाधिवेशन प्रतिनिधिले महाधिवेशन माग गरेको दाबीसाथ भनिएको छ, "विधानबमोजिम कारणसहित माग गरेको महाधिवेशनलाई असान्दर्भिक वा औचित्यहीन भन्ने अधिकार विधानले कसैलाई प्रदान गरेको छैन।"केन्द्रीय कार्यसमितिले नै महाधिवेशन आह्वान गरोस् भनेर अधिकतम प्रयास गरिएको तर त्यो असम्भव भएको भन्दै उनीहरूले भनेका छन्, "यस्तो अवस्थामा विधानसम्मत माग बेवारिसे हुन सक्दैन, महाधिवेशन आफैँ क्रियाशील हुन्छ।"आगामी साताका लागि तय भएको विशेष महाधिवेशन "कानुनी र राजनीतिक रूपमा समेत अपरिहार्य र बाध्यकारी" भएको भन्दै महामन्त्रीद्वयले "जिम्मेवार पदाधिकारीका रूपमा" यो उनीहरूको "वैधानिक एवं नैतिक दायित्व र जिम्मेवारी" भएको दाबी गरेका छन्।संस्थापन पक्षको धारणातर केन्द्रीय कार्यालयका तर्फबाट मुख्यसचिव कृष्णप्रसाद पौडेलले जारी गरेको विज्ञप्तिमा भने विशेष महाधिवेशनलाई विधानविपरीत भनिएको छ।"पार्टीको विधानमा व्यवस्था भएबमोजिम कुनै पनि तहको अधिवेशन वा विशेष महाधिवेशन बोलाउने अधिकार व्यक्तिगत रूपमा पार्टीका कुनै पनि पदाधिकारी वा सदस्यलाई नभई केवल पार्टीको केन्द्रीय कार्यसमितिलाई मात्र रहेको छ।""तसर्थ, पदाधिकारी वा सदस्यहरूले व्यक्तिगत रूपमा बोलाइएको अधिवेशन वा विशेष महाधिवेशनका नाममा गरिने कुनै पनि गतिविधि पार्टीको विधानविपरीत हुने हुँदा त्यस्ता गतिविधिमा संलग्न नहुन पार्टीका सबै तहका पदाधिकारी एवं सदस्यहरू, महासमिति सदस्यहरू, महाधिवेशन प्रतिनिधिहरू, भ्रातृ एवं शुभेच्छुक संस्था तथा विदेशस्थित नेपाली जनसम्पर्क समितिका पदाधिकारी एवं सदस्यहरूलाई नेपाली कांग्रेस हार्दिक अपील गर्दछ।" EPA गत भदौमा भएको युवा आन्दोलनका क्रममा नेपाली कांग्रेस केन्द्रीय कार्यालयमा आगजनी भएको थियो के पार्टी फुट्छ त?दुवै पक्षले आफ्नो पार्टी नफुट्ने दाबी गरेका छन्। महामन्त्रीद्वय गगन थापा र विश्वप्रकाश शर्माको विज्ञप्तिको अन्त्यमा भनिएको छ, "जस्तोसुकै कठिन अवस्थामा पनि पार्टीलाई एकढिक्का राख्न हामी कटिबद्ध एवं प्रतिबद्ध छौँ।"बीबीसी न्यूज नेपालीसँग कुरा गर्दै पार्टी प्रवक्ता प्रकाशशरण महतले पनि विशेष महाधिवेशन पक्षधरहरूले नै यो कार्यक्रम पार्टी विभाजनका लागि नभएको बताएकाले आफूले पनि "पत्याएको" बताए।तर उनले थपे, "अब उहाँहरूको मनमा के छ, त्यो त उहाँहरूलाई नै बढी थाहा हुने भयो।"विशेष महाधिवेशनको पक्षमा देखिएका केन्द्रीय सदस्य प्रकाश रसाइलीले पनि पार्टीलाई विघटन वा विभाजनबाट जोगाउने आफ्नो "बटमलाइन" नै रहेको भन्दै आफूले विभाजन नचाहेको बताए।आफूहरूसँग महाधिवेशन प्रतिनिधिको बहुमत रहेको दाबी गर्दै उनले "बहुमतले कहिल्यै पनि पार्टी नफुटाउने" दाबी गरे।बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।