अलैँचीको मूल्यमा निरन्तर गिरावट, किसान चिन्तित - farakdhar.com

 पछिल्लो समय अलैंचीको बजार मूल्य लगातार ओरालो लागेको छ । मङ्सिरदेखि मूल्यमा तीव्र उतार–चढाव देखिन थालेको व्यापारीहरूको भनाइ छ । गत कात्तिक २३ गते फुङ्लिङ बजारमा प्रतिमन (४० केजी) अलैंची एक लाख दुई हजार रुपैयाँसम्ममा कारोबार भएको थियो । जुन यस वर्षको सबैभन्दा उच्च मूल्य मानिन्छ । तर, यो मूल्य २४ घण्टाभन्दा बढी टिक्न सकेन ।  त्यसयता क्रमशः घट्दै आएको मूल्य आज प्रतिमन ९२ हजार रुपैयाँमा झरेको छ । बुधबार प्रतिमन ९३ हजारमा व्यापार भएको अलैंची एक दिनमै एक हजार रुपैयाँले घटेको व्यापारी कमल बरालले जानकारी ...