एनपीएल दोस्रो सिजनको अक्सन किन रह्यो रोमाञ्चक - www.bbc.com

BBC नेपाल प्रिमियर लिग टि-ट्वेन्टी क्रिकेट प्रतियोगिता एनपीएलको दोस्रो सिजनको लागि भएको मिनी अक्सन निकै रोमाञ्चक रह्यो।सहभागी आठवटै टोलीले उत्कृष्ट टिम बनाउन खेलाडी खरिदमा भ्याएसम्मको रणनीति बुने। केही खेलाडीको हकमा कुनै टिम भाग्यमानी देखियो भने कतिपयले चाहेको खेलाडी रोजेको देखियो।अनुमान गरिए झैँ कतिपय खेलाडी माथि अधिकतम बोली लाग्यो भने चर्चित केही खेलाडीहरू 'अनसोल्ड' हुन पुगे वा तिनलाई कसैले किनेनन्। एनपीएल सीजन २ को अक्सनमा के छ नयाँ ?एनपीएलको पहिलो संस्करणका मुख्य सात विशेषता पहिलो संस्करणको एनपीएलका खेलाडी 'रिटेन' (यथावत) गरेपछि जोगिएको रकमको सीमाभित्र रहेर टोलीहरूले अक्सनमा खेलाडीहरू रोजेका थिए।रणनीतिक देखिएका टोलीले खरिद गर्नुपर्ने ३७ खेलाडीमध्ये २६ खेलाडी मात्र अक्सनमा किनेका थिए। बाँकी खेलाडीहरूलाई अक्सनको दोस्रो चरणको रूपमा रहेको 'विस लिस्ट' बाट छानिएको थियो।घरेलु खेलाडीको कोटा पूरा भएपछि अब टोलीहरूले विदेशी खेलाडीहरूलाई लिएर सन्तुलित टोली बनाउने बताएका छन्।आदिलमा सबैको आँखास्वाभाविक रूपमा आदिल आलम माथि आठ वटै फ्रेञ्चाइज टोलीबीच हानथाप भयो।नेपालका एक उत्कृष्ट अलराउन्डरका रूपमा परिचित आदिल 'स्पट फिक्सिङ' प्रकरणमा फसेर प्रतिबन्ध भोगिरहेका कारण गत वर्षको पहिलो सिजनको एनपीएलमा सहभागी थिएनन्।हालै मात्र निर्दोष साबित भएका आदिलमाथि लागेको प्रतिबन्धलाई नेपाल क्रिकेट सङ्घ क्यानले वैशाखमा फुकुवा गरेको थियो।त्यसपछि क्यानले आदिललाई आगामी अक्टोबरमा ओमानमा हुने पुरुष आईसीसी टी–२० विश्वकप एशिया र पूर्वी एशिया–प्यासिफिक छनोटका लागि क्याम्पमा पनि बोलाएको थियो।आठवटै टोलीले बोली लगाएका आदिल लक्की ड्र बाट काठमाडौँ गोर्खाजमा आबद्ध भएका छन्।चर्चामा रहेका खेलाडी BBC आदिलपछि यू-१९ टोलीका पूर्व कप्तान देव खनाल, अर्जुन साउद र पवन सर्राफ माथि उच्चतम बोली लाग्यो।अक्सनको क्याटेगोरी 'ए' मा रहेका यी सबै खेलाडीले अधिकतम १५ लाखको मूल्य पाएका थिए।देव खनाल र अर्जुन साउद चितवन राइनोजमा पुगे।गत सिजनमा कर्णाली याक्समा आबद्ध देवलाई कर्णालीले रिलिज गरेको थियो। त्यस्तै विकेटकिपर ब्याटर अर्जुनलाई लुम्बिनी लायन्सले छोडेको थियो।त्यसैगरी क्याटेगोरी 'बी' मा हेमन्त धामी अधिकतम १० लाख मूल्यमा बिक्री भए। लक्की ड्र मार्फत् उनी सुदूरपश्चिम रोयल्समा आबद्ध भए।'नबिकेका' चर्चित खेलाडीहरू को को?राष्ट्रिय टोलीका भेट्रान खेलाडी शरद भेषावकर अक्सनमा कुनै टोलीको रोजाइमा नपरेका सबैभन्दा चर्चित खेलाडी हुन्।नेपाली क्रिकेटको गोल्डेन जेनेरेसनको शीर्ष ५ खेलाडीमा गनिने भेषावकर अहिले ३६ वर्षका भइसके।गत वर्ष क्याटेगोरी 'ए' मा नबिकेका उनलाई पछि चितवन राईनोजले १० लाखको 'बेस प्राइस' मा आबद्ध गरेको थियो।तर यसपालि उनलाई चितवनले 'रिटेन' भने गरेन।त्यसैगरी क्याटेगोरी 'ए' मा नाम लेखाएका सुनिल धमला, सन्तोष कार्की र मौसम ढकाल पनि 'बिकेनन्'।केही चलेका नामहरू जस्तै पृथु बास्कोटा, रित गौतम, कृष्ण कार्की, भुवन कार्की, प्रदीप ऐरी, अनिल खरेल, जितेन्द्र मुखिया, शङ्कर राना जस्ता खेलाडीमा पनि कुनै पनि टिमले इच्छा देखाएनन्।'विस लिस्ट'मा चासोअक्सनका बेला अधिकांश टोलीले आदिल आलमलाई पर्खिरहेको जस्तो देखिएको थियो।अक्सनबाट २६ खेलाडी मात्र छानियो। बाँकी ११ खेलाडीहरूलाई टोलीहरूले 'विस लिस्ट' बाट लिएका थिए।जसमा क्याटेगोरी 'बी'बाट दीपक बोहरा, दुर्गेश गुप्ता, विपिन रावल र शङ्कर राना बिक्री भएका थिए।त्यसैगरी क्याटेगोरी 'सी' बाट मिलन बोहरा, आदिल खान, विपिन आचार्य, रञ्जित कुमार, विकास आग्रा, सर्वन किस्कु र सन्दीप केसी छानिन सफल भए।अब टोलीको ध्यान विदेशी खेलाडीतर्फ BBC मिनी अक्सन पूरा भएपछि अब टोलीहरूले तोकिएको सङ्ख्यामा विदेशी खेलाडी लिने छन्।कतिपय टोलीले ठूला नाम भित्र्याउन पहिलेदेखि नै पहल थालिसकेको बताइसकेका छन्।अब पहिलो सिजनभन्दा फरक कस्ता विदेशी खेलाडी आउलान् भन्नेमा क्रिकेट प्रेमीको चासो रहनेछ।एनपीएलको पहिलो संस्करणमा भारतका शिखर धवन, न्युजील्यान्डका जिम्मी निशम, पाकिस्तानका सोहेल तनवर, इङ्ग्ल्यान्डका रवि बोपारा, अस्ट्रेलियाका बेन कटिङ, न्युजील्यान्डका मार्टिन गप्टिल, तथा अमेरिकाका एन्ड्रुयु गोस सहभागी भएका थिए।गत वर्ष आइसीसीले टेस्ट राष्ट्रका हाल खेलिरहेकामध्ये ४ जना खेलाडीलाई मात्र एनपीएल खेल्ने अनुमति दिएको थियो।यसपालि त्यो सीमा हटाउन क्यानले आइसीसीलाई पत्राचार गरिसकेको जनाएको छ।त्यसो हुन सके थुप्रै चर्चित खेलाडी एनपीएलमा देखिन सक्छन्। । एनपीएलको उपाधि जनकपुर बोल्ट्सलाईविदेशबाट 'एनपीएल' खेल्न नेपाल आएका नेपाली खेलाडी एउटा टोलीले बढीमा ५ विदेशी खेलाडी किन्न सक्नेछ र त्यसमध्ये ४ खेलाडीलाई मैदानमा उतार्न पाउने नियम छ।एनपीएलको दोस्रो सिजन प्रतियोगिता हुने मिति भने अझै यकीन भइसकेको छैन।बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।