एमाले महाधिवेशन : उम्मेदवारको प्रारम्भिक नामावली प्रकाशन [सूचीसहित] - nepalnews.com

काठमाडौँ। नेकपा एमालेको ११औँ राष्ट्रिय महाधिवेशनबाट नयाँ नेतृत्वका लागि परेका उम्मेदवारको प्रारम्भिक नामावली प्रकाशन गरिएको छ। भृकुटीमण्डपमा जारी बन्दसत्रस्थलमा पार्टीको केन्द्रीय निर्वाचन आयोगले सोमबार राति ९ बजे प्रारम्भिक नामावली प्रकाशन गरेको हो। प्रकाशित नामावलीअनुसार एक अध्यक्ष पदमा वर्तमान वरिष्ठ उपाध्यक्ष ईश्वर पोखरेल र वर्तमान अध्यक्ष केपी ओलीको उम्मेदवारी दर्ता भएको छ। अन्य पदाधिकारी तथा सदस्यमा पोखरेल-ओली समूह तथा स्वतन्त्र रूपमा पनि उम्मेदवारी परेको छ। पार्टीको संशोधित विधानअनुसारा पाँच उपाध्यक्ष पदमा अरुण नेपाल, गुरुप्रसाद बराल, गोकर्णराज विष्ट‚ परशुराम मेघी गुरुङ पुथ्वीसुब्बा गुरुङ, भीमप्रसाद आचार्य, रघुजी पन्त, रामबहादुर थापा‚ विन्दा पाण्डे र विष्णुप्रसाद पौडेल गरी ११ जनाको उम्मेदवारी परेको छ। एक महासचिवका लागि शंकर पोखरेल र सुरेन्द्रप्रसाद पाण्डेले उम्मेदवारी दिएका छन्। यस्तै तीन उपमहासचिव पदमा आनन्दप्रसाद पोखरेल, योगेश भट्टराई, रघुवीर महासेठ राजेन्द्रप्रसाद गौतम, लेखराज भट्ट र विष्णुप्रसाद रिमालले उम्मेदवारी दर्ता गराए। ईश्वर पोखरेल समूहका पदाधिकारीका उम्मेदवार। नौ सचिव पदमा २० जनाको उम्मेदवारी परेको छ। विभिन्न भूगोल र क्षेत्रमा गरी केन्द्रीय सदस्यमा करिब एक हजारभन्दा बढीको उम्मेदवारी परेको छ। ती उम्मेदवारीमाथि आजै राति दाबीविरोध र छानबिनपछि अन्तिम नामावली प्रकाशन गर्ने कार्यक्रम रहेको निर्वाचन आयोगका अध्यक्ष विजय सुब्बाले जानकारी दिए। मतदान भोलि (मंगलबार) दिउँसो १ बजेपछि हुने तालिका छ। यो पनि… यी हुन् ओली र पोखरेल समूहका पदाधिकारीका उम्मेदवार