विश्व स्वास्थ्य दिवस

By Nepali Patro

मार्च 20, 2017

विश्व स्वास्थ्य संगठनको आठ अधिकारिक विश्व जान-स्वास्थ्य अभियानहरुमध्येको एक पर्ने विश्व स्वास्थ्य दिवस हरेक अंग्रेजी वर्षको अप्रिल ७ तारिखको दिन पूरा विश्वभरि मनाइन्छ। विश्व स्वास्थ्य दिवस हरेक वर्ष विश्व स्वास्थ्य क्षेत्रको सुधार,विकासको महत्व’bout सारा विश्वको ध्यान आकर्षण गर्न र सम-सामयिक स्वास्थ्य सम्बन्धिका समस्याहरु एवं पत्ता लाग्दै गरेका डरलाग्दा खतरनाक रोगहरु,सरुवा तथा महामारी रोगहरुको ’bout विश्वलाई जानकारी,जान-चेतना दिन र त्यसको रोकथाम,उपचार एवं उन्मूलन गर्नेतिर विश्वलाई अभिप्रेरित गर्नका लागि पनि संसारभर मनाइन्छ।

सर्वप्रथम सन् १९४८ मा भएको पहिलो विश्व स्वास्थ्य महासभाको निर्णय अनुसार हरेक वर्षको अप्रिल ७ तारिखका दिनमा ‘विश्व स्वास्थ्य दिवस’ मनाउने भएपछि सन् १९५० को दशकदेखि मात्र पहिलोपल्ट विश्व स्वास्थ्य दिवस मनाइन थालिएको हो। यस दिन विश्व स्वास्थ्य संगठनले अन्तर्राष्ट्रिय,राष्ट्रिय,क्षेत्रीय एवं स्थानीय स्तर तथा निकायसम्ममा विभिन्न सरकारी एवं गैर-सरकारी संघ-संस्थाहरुसंगको हातेमालो गरी वार्षिक नारासहितको विभिन्न जानसरोकारका तथा जनचेतनामूलक स्वास्थ्यसम्बन्धि कार्यक्रमहरु गरीकन विश्वभरि मनाइन्छ।

विश्व स्वास्थ्य दिवसको स्थापनाकालदेखि नै विश्व स्वास्थ्य क्षेत्रमा बेलाबखतमा देखिंदै आएका खतरनाक सरुवा रोगहरु,महामारीहरु,संक्रमणहरु तथा ज्यानलेवा रोगहरुको पूर्ण उन्मूलन,रोकथाम,बचाऊ र पूर्ण उपचारको निमित्त हरेक वर्षको विश्व स्वास्थ्य दिवसले विभिन्न नारा र उद्देश्यसहित विभिन्न अभियान, कार्यक्रमहरु एवं आवश्यक अनुसन्धान तथा अध्ययन र आविष्कारका कामहरु गर्ने गर्दै आइरहेको छ। विश्व स्वास्थ्य दिवसले हरेक वर्षमा विश्व स्वास्थ्यसम्बन्धि सान्दर्भिक रोग तथा समस्याहरुको उजागरण,जनचेतना र त्यसको सतिक निदान हेतु एक-एक गरी विषयगत तरिकाले प्राथमिकताका साथ स्वास्थ्य अभियानका कार्यक्रमहरु सम्पूर्ण विश्वमा अघि सार्ने काम गर्दै आइरहेको छ, स्थापनाकालदेखि अहिलेको विश्व स्वास्थ्य दिवस आउंदैगर्दा सम्ममा।

विश्व स्वास्थ्य दिवस २०२५ को नारा “स्वस्थ सुरुवात, आशालाग्दा भविष्यहरू” ले हरेक आमा र नवजात शिशुका लागि सुरक्षित र स्वस्थ सुरुवातको सुनिश्चितताको महत्वलाई उजागर गर्दछ। यो अभियानले गर्भावस्था, सुत्केरीपन र शैशवकालमा गुणस्तरीय स्वास्थ्य सेवा आवश्यक रहेको र रोक्न सकिने मृत्युहरू घटाउन अत्यावश्यक कदम चाल्नुपर्ने कुरामा जोड दिन्छ। मातृ र शिशु स्वास्थ्यलाई प्राथमिकता दिँदा मात्र समृद्ध र उज्वल भविष्यको आधार तयार हुन्छ भन्ने सन्देश यसले फैलाउँछ।