विभिन्न देशमा टीकाको साइत ‍- २०७७

नेपाली पात्रो > चाडपर्व > विभिन्न देशमा टीकाको साइत ‍- २०७७

अक्टोबर 26, 2020

हरेक देशको स्थानीय पञ्चांगअनुसार एउटै प्रकृतिको मुहूर्त फरक समयमा परेको हुन्छ। नेपालमा शुभमुहूर्त भएको बेला अस्ट्रेलिया, बेलायत र अमेरिकामा अर्कै प्रकृतिको मुहूर्त चलिरहेको हुन्छ। त्यसैले स्थानीय पञ्चांगबाट मात्र शुभमुहूर्त ज्ञान गर्न सकिन्छ। नेपालको पञ्चांग र समय नेपालका लागि मात्र उपयोगी हुन्छ। विदेशमा बस्ने नेपालीहरूले नेपालको स्थानीय पञ्चांगअनुसार चाडपर्व मनाउँदा गलत समय परेको तथ्यलाई हृदयंगम गरी नेपालमा गठित अन्तर्राष्ट्रिय पञ्चांग निर्णायक समितिले २०७७ सालको बडादसैंमा विभिन्न देशका प्रमुख स्थानका लागि टीका ग्रहण गर्ने उपयुक्त साइत निर्धारण गरेको छ। दशमीको मानका आधारमा अमेरिका, क्यानडा र युराेपमा बसोबास गर्ने हिन्दु धर्मावलम्बीहरूले दसैंको टीका कार्तिक ९ गते अर्थात् अक्टोबर २५ तारिख, आइतवार लगाउन उपयुक्त हुन्छ। एसिया, र अस्ट्रेलियामा भने टीकाको साइत २०७७ कार्तिक १० गते अर्थात् अक्टोबर २६ तारिख, सोमवारलाई निर्धारण गरिएको छ। विजया दशमीका दिन बिहान पूजा विसर्जन गरी देवीको प्रसादस्वरूप टीका र जमरा लगाउने विधान छ।

विभिन्न स्थानका लागि टीका लगाउने शुभसाइत–

काठमाडौ, नेपाल	२६ अक्टोबर २०२०	प्रातः १०ः१९ बजे ।
देहली, भारत	२६ अक्टोबर २०२०	प्रातः १०ः३५ बजे ।
न्युयोर्क, अमेरिका	२५ अक्टोबर २०२०	प्रातः ११ः०५ बजे ।
केन्टुकी, अमेरिका	२५ अक्टोबर २०२०	प्रातः ११ः०७ बजे ।
टेक्सास, अमेरिका	२५ अक्टोबर २०२०	प्रातः ११ः५७ बजे ।
क्यालिफोर्निया, अमेरिका	२५ अक्टोबर २०२०	प्रातः ११ः४५ बजे ।
टोरन्टो, क्यानडा	२५ अक्टोबर २०२०	प्रातः ११ः४३ बजे ।
लन्डन, बेलायत	२५ अक्टोबर २०२०	प्रातः ११ः३९ बजे ।
लिस्बन, पाेर्चुगल	२५ अक्टोबर २०२०	प्रातः ११ः३७ बजे ।
पेरिस, फ्रान्स	२५ अक्टोबर २०२०	प्रातः ११ः४१ बजे ।
टोकियो, जापान	२६ अक्टोबर २०२०	प्रातः १०ः३५ बजे ।
वेलिङ्टन, न्युजिल्यान्ड	२६ अक्टोबर २०२०	प्रातः १०ः१५ बजे ।
सिड्नी, अस्ट्रेलिया	२६ अक्टोबर २०२०	प्रातः ९ः४३ बजे ।
मेलबर्न, अस्ट्रेलिया	२६ अक्टोबर २०२०	प्रातः १०ः५३ बजे ।
ब्रिसबेन, अस्ट्रेलिया	२६ अक्टोबर २०२०	प्रातः ९ः५१ बजे ।
क्वालालम्पुर, मलेसिया	२६ अक्टोबर २०२०	प्रातः १०ः३५ बजे ।
सिंगापुर	२६ अक्टोबर २०२०	प्रातः १०ः४१ बजे ।
बैंकक, थाइल्यान्ड	२६ अक्टोबर २०२०	प्रातः १०ः३३ बजे ।
हङकङ	२६ अक्टोबर २०२०	प्रातः १०ः४९ बजे ।
सियोल, दक्षिण कोरिया	२६ अक्टोबर २०२०	प्रातः ११ः२७ बजे ।
रियाद, साउदी अरेबिया	२६ अक्टोबर २०२०	प्रातः १०ः२५ बजे ।
दोहा, कतार	२६ अक्टोबर २०२०	प्रातः १०ः२१ बजे ।
अबुधावी, यूएई	२६ अक्टोबर २०२०	प्रातः १०ः४३ बजे ।
तेल अभिभ, इजरायल	२६ अक्टोबर २०२०	प्रातः १०ः३७ बजे ।